पुण्यातील आंतरराष्ट्रीय विमानतळाचे नामकरण ‘जगद्गुरु संतश्रेष्ठ तुकाराम महाराज पुणे आंतरराष्ट्रीय विमानतळ’ असे करण्याचा प्रस्ताव राज्य सरकारने मंजूर केला आहे. हा प्रस्ताव मंत्री मुरलीधर मोहळ यांनी सादर केला होता, जो कॅबिनेट बैठकीत मान्य झाला आहे. उपमुख्यमंत्री देवेंद्र फडणवीस यांनी काही दिवसांपूर्वीच यासंबंधी घोषणा केली होती, ज्यावर तातडीने कार्यवाही करण्यात आली.
संत तुकाराम महाराजांचे लोहगावशी खास नाते असल्यामुळे, त्यांचे नाव पुण्याच्या आंतरराष्ट्रीय विमानतळाला देणे, ही भावनिक आणि सांस्कृतिकदृष्ट्या योग्य बाब असल्याचे मानले जाते. वारकरी संप्रदायाच्या मोठ्या समर्थनासह हा प्रस्ताव पुढे नेण्यात आला आहे. पुढील टप्प्यात हा प्रस्ताव केंद्र सरकारकडे पाठवला जाणार असून, लवकरच केंद्रीय कॅबिनेट त्यावर अंतिम निर्णय घेईल.
केंद्रीय मंत्री मुरलीधर मोहळ यांनी या योजनेचे नेतृत्व केले आणि सर्व तिन्ही राज्य नेतृत्त्वाचे आभार मानले.
